வெண்ணெயுண்ட அழகினை

• ஆயர்பாடியிலுன் வேய்ங்குழல் ஒலிக்கும்
• கோவர்த்தன கிரியிலுன் வேணுகானம் இசைக்கும்
• பிருந்தாவனத்தில் உன் மோகனகானம் அழைக்கும்
• மதுராபுரியிலுன் மதுரக்குழலோசை மயக்கும்

• யமுனா தீரத்திலுன் சாகசம், விளையாட்டு,
• குறும்புத்தனம், வியக்க வைக்கும்
• பிருந்தாவன நந்தவனத்திலுன் ராசக் கிரீடையும் ஆனந்திக்கும்
• உன் காளிங்க நர்த்தனத்தில் கலைநயம் மிளிறும்

• பூதனை சம்ஹாரம் பூமி வானம் வரை வியாபித்திருக்கும்
• குசேலருக்கருளிய உன் நட்பின் இலக்கணத்தைச்
• சரித்திரம் ரசிக்கும், லயிக்கும், அவல் படைத்து மகிழும்
• நீ வெண்ணையுண்ட அழகினை, அழகுதனை ஆயர்பாடியின்
• அனைத்துக்கண்களும் கண்டு மகிழ்ந்திருக்கும்

• கோவர்த்தனகிரியை நீ குடையாய்ப் பிடித்ததில்
• பசுக்கூட்டங்களும் பரவசமானதே
• கம்சவதத்தில் அம்சவர்த்தனன்
• உன் தசாவதாரமும் உணர்ந்ததே

• யசோதையிடம் நீ வளர்ந்த புனிதப்பாசம் பர்த்தியில் சுப்பம்மா
• அம்மாவிடமும் புரிந்து தெரிந்ததே, வியந்ததே
• பர்த்தியிலுன் சாயிநாமம் மனதினில் மயக்கும்
• வியக்கும் இசைக்கும் லயிக்கும்
• வியாபிக்கும் பிரவாகித்துப் பிரயோகித்து
• இவ்வுலகிற்கே நன்மை பயக்கும்.
• அனைத்தும் சாயி மயமாக்கும்.

– தமிழரசி பாலசுப்பிரமணியம்