சத்ய சாயிமா
- அருள்தரும் அன்னையாம் ஸ்ரீ சத்யசாயி மா
- உலகிலனைத்தும், பேறு பதினாறும்,
- கலைகளறுபத்து நான்கிலும் நீதானம்மா
- இருள் நீக்கி இன்பம் தந்து இன்னல் களைவாய் நீ
- மருள் போக்கித்துயர் தீர்த்துக் கன்னல் சுவைதருவாய்
- உன் சுருள் குழலும் சூட்சுமமே உன் நயனங்களின்
- நோக்கும் தீட்சண்யமே, தீட்சை மயமே
- உன் சூட்டிய மலர்களிலும் தானுன் தாட்சண்யமே
- காட்டிய உன் அபயஹஸ்தம் கூட்டுமே
- தாட்சாயணியுனது உருவமே
- அன்னம் பாலிக்கும் அன்னபூரணித்தாயாய்க் காசி
- விசாலாட்சி, மதுரையில் மீனாட்சி, காஞ்சி காமாட்சியாய்,
- முத்தேவியராய், அலை, கலை, மலை, மகள்களாய்ச்
- சிவசக்தி ஸ்வரூபிணியாய்ப் பர்த்தீஸ்வரியாய்ப்
- பரமேஸ்வரியாய்ப் பாரெல்லா மனைத் துயிர்களுக்கும்
- அருள் புரியவே ஸ்ரீ சத்ய சாயீஸ்வரித்தாயே நீ
- வந்து அருள் புரிவாயே சரணம் சாயிமா.
– தமிழரசி பாலசுப்பிரமணியம்