நவ நதிகளாய்

• கற்பகத்தரு வில் பல, பழவகைகள் தந்து பரவசமாக்கினாய்
• சொற்பதங்களி லுரையாற்றிச்சொக்கவும் வைத்துவிட்டாய்
• சொக்கே, உன் சிவசக்தி ஸ்வரூப தரிசனத்தில்
• சொக்காதார்தான் யார் ?
• உன் மடை திறந்து கொட்டும் அருவிப் பேச்சில், பாடல்களில்,
• மயங்காதவர்தான் யார் ? மனம் குளிராதார் தானெவர்?

• வாழ்வியலில், நல்வாழ்வு வாழப் பொன், மணி,
• முத்து, வைரப், பவள, வைடூரியம், கோமேதகத்தில்,
• கோர்த்தளித்த நல்மாலைகளும் சரங்களும்
• தானெத்தனை சுவாமி
• மனச்சாளரங்களில் அவையழகூட்டி மெருகேற்றி
• வருமழகுதானென்ன ? அதுதானுந்தன் சரணமே

• உன்னவதாரகாலத்திலுன்னருள் பெற்றுன்னைத்தேடியுன்
• கருணை நாடிப் பன்மதப்பக்தராய்க் கூடியுனைத் தொழுது
• கருணைக்கடலாமுன் சங்கமத் திருவடிகளில் சங்கமிக்க
• ஓடி வரும் நதிகளாமெங்களுக்கு இப்பிறவி பெற்ற
• பயன் தானே சுவாமி?

• உன் பொற்பதப் பங்கய மலர்பப் பாதங்களுக்கு
• வந்தனம் சுவாமி போற்றி போற்றியே.

– தமிழரசி பாலசுப்பிரமணியம்