தீப லக்ஷ்மியாய்

• பர்வதவர்த்தினி, ஏலவார்குழலி, நீள்நெடுங்கண்ணி,
• அலர்மேல் மங்கை, மங்களாம்பிகை, சாரதா,
• சாம்பவி, சங்கரி, பார்வதி,
• குழல் மொழி வாய் அம்மை யெனச்
• சத்திய சாயி தேவிக்குத்தான்
• எத்தனையோ நாமங்களணி வகுக்கும்

• உன் நாமஸ்மரணையில் தானத்தனை நலன்களும்
• நன்மைகளாய் நலம் பயக்கும்
• உயிரில் கலந்து ஆத்மாவியக்கு முன் வியாபகம் கண்டே

• கார்த்திகைத் தீப அஷ்டலக்ஷ்மிகளாய் அருள்தர வரவேண்டும்
• காசி விசாலாட்சி அன்னபூரணி பத்மாவதித் தாயாராய்
• சாயீஸ்வரியே பிரசாந்தி வாசினி ஸ்ரீ சத்ய சாயி
• தேவிமாதாவே உனக்கு ஆத்ம வந்தனம்

• உன் ஆனந்த சாகர அன்பு மதம் இனம் மொழியாம்
• சங்கமத்திருவடிகளில் சங்கமிக்கும் அனைத்து
• பக்த நதிகளுக்கும் உனதருட்கருணையால்
• அரவனைத்துன் அபயஹஸ்தத்தில்
• அருளாசி வழங்கிட வருவாயே ஸ்ரீ சத்ய சாயிமா
• நீயே சரணகதம் தாயே.

– தமிழரசி பாலசுப்பிரமணியம்