பூவொடு நீரும் போதும்

• புண்ணியப் பூசனை செய்பவர்க்குப் பூவொடு நீரும்
• வேண்டுமிது திருமூலர் வாக்கு
• எப்புண்ணியமும் அப்பூவும் நீரும் அனைத்துமே நீதான்
• உன்அன்புக்கருணைதானன்றி வேறேது சுவாமி ?

• ‘சாய்ராம்” மந்திரச்சொல்லும் உன் அனுபூதியாமுனது
• நீறும் போதுமிது உன்பக்தர்தம் வாக்கும் நோக்குமே
• தரிசனம் ஸ்பர்சனம்சம்பாஷண முன்னில்
• பெற்றவர்களின் இப்பிறவிப்பயன் மெய்யே
• உன் பக்தர் எண்ணியதை முதலில் தருவாய்

• பின்னர் நீ எண்ணுவது மட்டுமே
• தருவாய் எண்ணிக்கைகளாய்
• வேண்டியதை வேண்டாமலே நீ தருவாய்
• கண்ணிமைகளாய்க் காத்து ரட்சிக்கும் ஈசனே

• அஞ்சுதலை நீக்கியருளிட ஆரமுதாய்
• நஞ்சுண்ட நல்மணி கண்டசிவனே
• ஸ்ரீ சத்ய சாயி ஈஸ்வரா உன் நற்றுணை
• போதுமுந்தன் நமச்சிவாயப் பஞ்சாட்சரம்
• நற்பவியாய்க் காத்தருள வேண்டும்

• நடந்தும் இருந்தும் கிடந்தும் உணர்ந்தும்
• புரிந்து முனைத் தொழுதுன்னடி பணிந்துன
• தருட்கடலில் சங்கமிக்கவே வழித்துணையாய்
• வாழ்வியலில் வரமாயென்றும் வரவேண்டும்
• இருவினை களைந்து மும்மலங்கள் போக்கி
• முத்தியளித்திட முன்னின்றே முன்னுரையாய்த்தான்
• நீ வரவேண்டும் சுவாமி.

– தமிழரசி பாலசுப்பிரமணியம்