கோவிந்தா என்றழைக்க

• கோவிந்தா என்றழைக்க ஓடித்தான் வந்திடுவாய் கண்ணா
• கோபாலா என விளிக்கஉன் குழலோசையும் இசைத்திடுவாய்
• கேசவா எனத் தொழுதிட உன் வேணுகானம்
• கேட்கத்தான் செய்திடுவாய்
• மாதவா வென்று உனைப் பணிந்திட இம்மானிடப் பிறவி
• பெற்ற பயனைத்தான் உணர்த்திடுவாய்
• மாதவம் நாங்கள் செய்ததால்தான்
• நீ அவதரித்தாயென அகிலம் உணர வைப்பாய்

• முகுந்தா யாதவா ஸ்ரீஹரி கோவர்த்தன கிரிதாரி என
• ஆயிரம் ஆயிரம் நாமங்களில் அழகழகாய்
• உயிர்களுக்குன் அன்புக்கருணை
• மழை பொழிகின்றாய்
• சாயி கிருஷ்ணா உன் திருவடித் தாமரை தொழுதிடவுடம்
• உன் சங்கல்பம்தான் வேண்டுமே

• வெண்ணையிலும் வெண்மை மென்மையான
• உந்தனைப் பணிந்தே உன்பக்திச் சேவைகள் செய்திட
• பன்மதப் பக்தர்கூடும் புனிதப்
• பிரசாந்தித்தலத் தெய்வமே
• பர்த்திவாச ஸ்ரீ சத்யசாயி பரப்பிரம்மமே
• உனக்கு ஆனந்த ஆத்மார்த்த வந்தனம் சுவாமி.

– தமிழரசி பாலசுப்பிரமணியம்