உயிரில் பதிகிறாய்

• கலை நயமும் கவி நயமும் உன் படைப்பிலே
• விலையேதுமிலையே உன்னன்புக் கருணையிலே
• மலைபோல் வரு துன்பமும் மடுவாகிவிடுமுந்தனருளிலே
• சிலையாயினும் படமாயினும் உன்
• சரணாகதிகதி என்றுமென் மனதிலே

• பேதமில்லை யுந்தன் அருள் பதிவிலே உயிரில் பதியுமே
• வேதமேதான் உந்தன் அன்பு அருள் அறவுரையிலே
• நாதமே தான் உன்தெய்வீக காந்தக்குரலிலே
• சாயி நாதனே என்றுமே நீ எங்கள் இதயக் கோயிலிலே

• நற்செயல்கள் சொற்கள் சேவைகள் நாங்கள்
• செய்வது உன் அனுபூதி
• உன் பொற்கரத்தில் நீ தருவது உன் மகிமை விபூதி
• கற்பக விருட்சத்தில் உன் லீலைகளும் ஒரு பகுதி
• நற்பவியில் நீ நல்குவது உந்தன் பக்தர்களின் சத்ய தர்ம சாந்தி
• பிரேமை அகிம்சை சேவையின் தகுதி.

– தமிழரசி பாலசுப்பிரமணியம்