எல்லாம் அழகு

• நந்தவனப் பொய்கையில் புதுப்பூவாய் மலர்ந்திருக்கும்
• கமலத்திலுன் முகமலரில் நீ சிந்தும் புன்னகை அழகு
• நொந்த மனதினிலுன் கருணையால் சொந்தனாய்
• நீ கிட்டியதும் அழகுதான்
• பந்தமாகியுன் பதந்தொழுது பணித்தவர்க் குன்பாந்தம்
• பரிசாய் வந்தது அழகுதான்
• நிந்தித்தாரையும் உனைச்சந்திக்கச் செய்யுமுந்தன் சங்கல்பம்
• பாக்கியம் தருவது அழகுதான்

• வல்வினைகள் வராது தடுத்தாட்கொள்வது அழகு
• சொல்லுமுன் ‘நானிருக்கப்பயமேன்’ எனும் சொல்
• வார்த்தை அழகுதான்
• சித்திரைச் செவ்வானத்தில் சாயி மேகங்கள் நகர்வதழகு

• மழை பொழிவித் துயிர்களுக்களிக்கும் கருணையுமழகுதான்
• சீரடியில் சீரடி வைத்துச் சிவமாகிப் பர்த்தியிலவதரித்து
• சிவசக்தியுமாய்ச் சீலமளித்தது அழகு
• ஓரடி பக்தர் நடக்கத் தேடி நாடி வந்து
• அபயமளிப்பதும் அழகுதான்
• பாதைகள் பலவாயினும் சேருமிடம் சுகமாவதழகு
• உன் கீதைப்பாதையாய் வழிநடத்தலே அழகுதான் சுவாமி.

– தமிழரசி பாலசுப்பிரமணியம்