மயிலேறி வரவேண்டும்

• குன்றுதோறும் குடியிருக்கும் குமரன் அழகென்ற
• சொல்லுக்கும் முருகன், மலைநிற்கும் வடிவேலன்
• மயிலேறி வரவேண்டும், சிலையாக நின்றாலுமது
• சாயிமுருகனுன் வடிவில் தெரியவேண்டும்

• கலை அறுபத்து நான்கிலும் கோலோச்சி நிற்கின்றாய்
• விலையேது கந்தாவுன் னன்புக் கருணைக்கும்
• பெருமைக்கும் ! நிலைமறந்தே நெக்குருகி
• நெஞ்சில் வைத்தே உனைத் தொழவேண்டும்

• நீ நாயன்மார்க ளறுபத்து மூவரின் பதிகங்களில் பதிந்துள்ளாய்
• அவ்வைக்கு அருந்தமிழை யழகாய்த் தந்தாய்
• ஒளஷதமா யகிலத்திலனைவர்க்கும் அருள் தந்தாய்
• புது விடியல் தந்து புத்தொளியா யருட்கருணை தரவேண்டும்

• வாழ்வியலில் சம்சார சாகரத்தைக் கடந்து நல்முக்தி பெற
• உன் கருணை நிதி வேண்டும்
• நவநிதிகளாய் நற்குணங்கள் பல பெறவேண்டும்
• நற்சேவைகளாற்றி வையத்தில் உதவி புரிய வேண்டும்

• அறுகுணம்போக்கி அல்லவை யகற்றி யுன்கருணை
• மழை பொழிந்திட நீயும் வர வேண்டும்
• ஸ்ரீ சத்யசாயி தெய்வமே சரணம் சரணம்.

– தமிழரசி பாலசுப்பிரமணியம்