எங்கு பயணித்தாலும்

• சுவாமி உன் தரிசனம் ஸ்பரிசனம் சம்பாஷனம்
• ஒவ்வொரு அணுவிலும் எதிரொலிக்கும்
• கனவிலும் நனவிலும் வந்து காட்சி தரும் விந்தையை
• என் சொல்வது?
• மலர்கள் மாலைகளால் ஏற்படும் ஆச்சரியங்கள்
• ஆத்மார்த்த அதிசயங்கள்தானே
• விபூதியின் மகிமையை எடுத்தியம்பச் சொல்லால்
• வார்த்தைகளிலிடமேது ?

• நினைத்தாலே தரிசன முழுப் பலன் கிட்டுவது அத்யந்த
• பக்தர்களின் ஆன்மாவின் அன்பு அனுபவம்தானே
• படத்தின் முன்னர் வேண்டுகையில் ஆயிரம் அர்த்தங்களும்
• சிரிப்பில் வசந்தமும் ஆசீர்வாதத்தின் அன்பும்
• கருணையும் இதயத்திலுன் உன்
• அன்பு பிரேமையை எண்ணி யெண்ணிச் சிலிர்க்க
• சிந்திக்க மகிழ வைக்குமே

• காடு மலை கழனி எங்கு பயணித்தாலும் அங்குன்
• புகைப்படம், புத்தகம், பேச்சு வடிவில்
• கிட்டும் அனுபவங்கள் தான் என்னே !
• மகிழுந்து, பேருந்து, விமானம், கப்பல், படகென,
• எங்கு பயணித்தாலும் ‘சாய்ராம்’
• என்ற தாரகமந்திரம் காட்சிதருமே

• வேண்டுதல் வேண்டுகையில் யார் மூலமாவது
• எப்படியாவது அதற்குரிய பதில் வந்து
• சேர்வதெங்களின் பாக்கியமே சுவாமி
• இப்பிறவி பெற்ற பயன் சுவாமியின் அவதார காலத்தில்
• வாழுகின்ற வாழ்வியல்தான் சுவாமி
• சுவாமியுடன் தொடரும் தொடர்கதையும்தான்

• நினைத்தாலே இனிக்கும் மனதை மயக்கும் ஸ்ரீ சத்திய
• சாயீசா உன் மதுரம் மதுரம் மதுரம்
• சாயி குடும்பம் எனும் பந்தமென்றும் நிரந்தரம்
• புரந்தர விட்டலனுன் வினோத மகிமைகளின் சுதந்திரம்
• நீ நினைத்தால் மட்டுமே கூற இயலும் ‘சாய்ராம்’ மந்திரம்.

– தமிழரசி பாலசுப்பிரமணியம்