பாரதமே குருவாக வேண்டும்

• தித்திக்கும் பல்சுவைகளில் மாற்றம் உண்டு
• எத்திக்கும் உன் அன்புக்கருணைதன்னில்
• மாற்றமில்லை, ஏற்றம் மட்டுமே
• பன்திக்குமுன் னருட்கருணைக் கடாட்சத்தால்
• உலகினனைத்துத் திக்கும்தான் புனித
• பாரதத்தி லவதரித்த, உன் புகழ் சிறக்கும்
• பன்மதப் பக்தருன் பதமலர்தேடி ஓடிப் பாடி நாடி வருவதுபோல்

• பன்மத மொழிகள் இனங்கள் கலாச்சாரங்களிருப்பினும்
• உன் மதம் இனம் மொழியாம்
• அன்பு மதமென்றொன்றானதுபோல்
• நம் தேச பக்தியும் ஒற்றுமையும் ஓங்கிட என்றுமே
• நீ துணையிருக்க உனது சங்கல்பம் வேண்டும்

• பிரசாதமாம் புனிதப் பிரகாந்தியாம் பிரசாந்தியின்
• கருவறைத் தெய்வமுன் கருணைதான்
• அன்னையின் கருவறைக் கருவையும் காத்து ரட்சிக்குமே
• சுபிட்சமாய் நீ வந்து அன்பும் அமைதியும் சனாதன
• ஆன்மீக தர்மமும் தழைத்தோங்கிடவே

• சுசீந்திர தானுமாலயனாய் வந்து மாட்சிமை தந்திடுவாய்
• அட்சயமாயிருந்து அட்சதைதூவி அகிலத்தைக் காத்திடுவாய்
• தேசமும் தேசபக்தியும் இரு கண்கள்போல் இந்தியா
• மனித சமுதாயத்தின் குரு என்பாய்

• உன் பவித்திர சேவைகளாற்றிட உடல் உள்ள மன ஆத்ம
• பலம் தந்து இந்து கலாச்சாரமே
• உலகின் கலாச்சாரமாய் விளங்கிடவே
• சகிப்புத்தன்மை சத்யம் தர்ம சாந்தி பிரேமை
• அகிம்சை எனும் சாதனை தந்து மனிதம்
• அன்பில் வாழச் சாட்சியாய்
• நீ துணையிருப்பாய் சுவாமி. சரணாகதி.

– தமிழரசி பாலசுப்பிரமணியம்