நீயின்றி மகிழ்வேது
- நீரின்றி நீர்வாழ் உயிரினங்களுக்கு ஏது மகிழ்ச்சி ?
- நீ இன்றி உன் கருணையின்றி உலகியலில் வேறேது
- நிகழ்ச்சி சாயிமா?
- யமுனை கங்கையுடனிணையும் பொழுது
- தன் தனித்தன்மையை இழந்து
- கங்கையாகவே மாறி அமைதி கொள்வது போலுனது
- அருள் அன்பு பிரேமையில் கலந்து ஆனந்திக்கிறது
- மனம், மெய், ஆன்மாவும், சாயிமா
- சம்சார சாகரத்தில் உழலும் பக்தர்க்கு
- அதைக் கடத்துவிக்கும் பாலமாகிறாய்,
- முக்தியளிக்கிறாய்
- லீலைகள் புரிவதில் மனம் செலுத்தும் நீலோத் பல மலரான
- சாயிதேவியே பர்த்தித்தலத்திற்கழகு சேர்க்கும்
- அன்பு ஆபரணமும் நீயாகிறாய்
- பாரினில் பன்மதப்பக்தர்க்கருள்புரியும்
- நாகாபரணமும் நீயே
- ஆதிசக்தி பார்வதி காமாட்சி முத்தேவியராய்
- முன் வந்து காத்து நிற்கும் முதுபெரும்
- முச்சக்திகளும் நீ தானே சாயிமா ?
- மங்கலம் நல்க, மஞ்சள் மங்கல நாணில், மஞ்சளும்
- குங்குமமும் நிலைத்து நிற்க, நற்பவி நல்வாழ்வு
- மலரச்செய்ய ஆடிவெள்ளியினில் அருள்தர வருவாயே
- ஸ்ரீ சத்ய சாயீஸ்வரி பர்த்தீஸ்வரி
- சிவசக்தி ஸ்வரூபிணி சாயிமா.
– தமிழரசி பாலசுப்பிரமணியம்