அர்ச்சனைப் பூக்களில்

• வெள்ளிக்கிழமைகளில் நீ விடிவெள்ளியாய்
• வந்தருள வேண்டும்
• துள்ளிக்குதிக்கும் மீன்களிலும் உன் கருணை
• தெரிய வேண்டும்
• அள்ளித்தரும் உன் கரங்களின் அபய ஹஸ்தம்
• புரியவேண்டும்
• பள்ளி தலங்கள் அனைத்திலும் உன் கருணையில்
• கல்வியியல் சிறக்க வேண்டும்

• மஞ்சள் குங்குமத்தில் மங்கள மங்கையர் திருமாங்கல்யத்
• தாரணம் விளங்கவேண்டும்
• பூவும் பொட்டுமாய்ச் சுமங்கலிகள் சுபமங்கலமாய்
• சுகமாய் வாழ வேண்டும்
• பாலும் தேனுமுன் னபிஷேகத்தில்
• பொழிந்து வர்ஷிக்க வேண்டும்
• பக்தருக்கும் உனக்கும் உள்ள அத்யந்த அன்பு
• பாஷைகள் புரியவேண்டும்

• மலர் மாலைகள் விதவிதமாய்ச் சூட்டி
• சூடி மனம் மகிழவேண்டும்
• அர்ச்சனைப் பூக்களில் அஷ்டோத்திரம்
• சஹஸ்ரநாமம் அர்ச்சிக்க வேண்டும்
• பஜன் பண்கள் பாடி கேட்டு எழுதி
• நிறைந் தானந்திக்க வேண்டும்
• பக்தர்களின் இதயம் உன் அன்பு கருணையில்
• அருளில் உருகி மனம் நிறைந்து
• நிறையச் சேவைகள் செய்திட வேண்டும்.

– தமிழரசி பாலசுப்பிரமணியம்