உன் கருணைக் கடாட்சங்கள்

• தென்பொதிகைத் தென்றலாய், சுகமாய் வருடிச்செல்லும்
• உன் கருணைக் கடாட்சங்கள்
• மேருவின் சாட்சியாய், உயர்ந்து நிற்கும் உன் லீலா
• வினோத அற்புத அதிசயக்காட்சிகள்
• பஞ்ச நதிகள் போல், என்றுமே வற்றாதுன்
• அன்பின் அலைகள்.

• யுகங்கள் மாறலாம், உன் பக்தி அரண், மாறாமல்
• என்றுமனைத் துயிர்களையும் காத்து நிற்கும்
• பிரசாந்தி நிலையத்தின் மனச் சாந்தி தெய்வமே
• பிறசாந்தி வேண்டாம் உன் பிர காந்தி
• போதுமாய் எண்ண வைக்கிறாய்

• ராதையின் கண்ணணாய், சீதையின் ராமனாய், சிவசக்தி
• ஸ்வரூபனாய் ஸ்ரீ சத்திய சாயி யாயருள்கிறாய்
• கஜேந்திர மோட்சமாய்ச் சடுதியி லழைத்ததும்
• உடன் வந்துதான் காக்கிறாய்

• சித்ராவதியும் அறியும் உன் விசித்திர
• அற்புத லீலா வினோதங்களைச் சித்திரமாய்ப்
• பர்த்தித்தலம் பார்த்து இப்பாரே வியக்கிறது உன்
• அதி அற்புதச்சரிதையின் வியாபகம்
• பார்த்தும் எண்ணிலடங்காச் சேவைகளா ற்றுமுன்
• அன்புக்கருணைப் பிரவாகத்தினையும்

• மானிடராய்ப் பிறத்தல் அரிது தான், அதிலும் உன்
• சாயி பக்தராய்ப் பிறந்துன் பற்பல சேவைகளாற்றுதல்
• அரிதிலும் அரிது தான் சுவாமி
• உன் அவதார காலத்தில் வாழ்வது
• எங்கள் பிறவிப் பயனின் முக்தி.

– தமிழரசி பாலசுப்பிரமணியம்