எல்லாம் அழகு

• எரிவதில் சுடர்விடும் தீபம் அழகானது
• பாபாவுக்கு பூஜைக்கு ஏற்றி வைத்த தீபச்சுடர்
• மிக மிக அழகானது
• நடப்பதில் நதி அழகானது
• சுவாமி நீ நடந்து வரும் அழகு அழகுக் கழகானது

• சுற்றுவதில் புவி அழகானது
• சுவாமி நீ சுற்றி பக்தர்களைப் பார்க்குமழகுதான்
• அழகுக்கு அழகானது
• வளர்வதில் பிறை அழகானது
• உன் மேல் பக்தி நாளுக்கு நாள் வளர்வதில்
• குறை ஏது நிறைதா னென்பதுமே அழகானது

• மின்னுவதில் விண்மீன்களழகுன் பக்தர்கள்
• பிரேமையிலியைந்து வாழும் வாழ்வியலழகானது
• தவழ்வதில் குழந்தையழகு
• நீ தவழ்ந்து கண்ணனா யிவ்வகிலத்திற்கு அருள வந்த தழகு
• விழுவதில் அருவி அழகு
• *பிரேமையின் வடிவங்களேவென’ நீ உரைத்திடும்
• அருளுரைகளானந்த அழகு

• பறப்பதில் புறா அழகுன்னால் பறக்கவிடும்
• வெண்புறாக்களுன் சங்கல்ப அழகு
• உறவில் நட்பழகு நீ சகாவாயும் நட்புறைத லுன்னன்புக்கழகு
• பாடுவதில் குயிலழகுன் பாட்டுக்கு
• மகிழுமுன் பக்தர்மனங்களழகு

• விளைவதில் பயிர்களழகுன் லீலாவினோத மகிமைகள்
• விளைந்தது நர்த்தன அழகு
• மொழிகளில் தாய்மொழி அழகுன் சுந்தரத் தெலுங்கும்
• அதை மொழி பெயர்த்தலுமதைக் கேட்டலுமழகு
• சுவாமியுன் சொல்படி நடந்துன் கருணையன்பில்
• திளைப்பதுதானே உன் அத்யந்த ஆத்மார்த்த
• பக்தர்களெங்களின் சத்ய அழகு
• தங்கத்தமிழுடன் நீ அனைத்து மொழியுரைத்தலுமே
• சாயின் அழகே அழகு

• உன் சேவைகளாற்றிடக்கிட்டுமே ஆத்மாவிற்கே அழகு
• இப்பிறவியில் உனைத்துதித்து வாழ்வது
• இப்பிறவி பெற்ற பயனழகுன் சாந்நித்திய
• அருளழகுதானே சுவாமி சரணம் போற்றியே.

– தமிழரசி பாலசுப்பிரமணியம்