ஏழ் பிறப்புமுனை

• ஏழ் பிறப்புமுனை மட்டும் தொடர்ந்தே வரவேண்டும் சுவாமி
• எழும்போதும் துயில்வரும்போதும் வரையுன் நாமம்
• நாவில் ஒலித்திட வேண்டும் சுவாமி
• ஏழு சென்ம முனைத்துதித்தேயுன் பதம்
• தொழுதிடவேண்டும் சுவாமி
• வாழ்வியலில் வீழும்போது உன் அபயக்கரம் கொண்டு
• நீ தடுத்தாட்கொகொள வேண்டும் சுவாமி

• கடும், கொடும், பிணியேதும் அணுகாமல் உன் இணையருள்
• துணைநின்று காத்தருளவும் வேண்டும் சுவாமி
• உன் நாமஸ்மரணை நெஞ்சில் நீங்காது ஒலித்திட வேண்டும்
• உந்தன் கவி புனைய நீ எழுதுகோலாய்
• ஏற்றமளிக்க வரவேண்டும்
• உன் சாயி காயத்திரி நாமஜெயம் உலகியலில்
• எப்போதும் கவசமாய்த் திகழ வேண்டும் சுவாமி.

• உன் பஜன் பாடல்களை ஆத்மாவில் உணர்ந்து, பாடி, கேட்டு,
• ரசித்தல் வேண்டும்
• ‘நான் இருக்க பயமேன்’ எனும் உன் மந்திரச்சொல்
• மங்காதுன் கருணையால் காத்திட வேண்டும்
• முப்போதும் விளித்தவுடன் வினை, குறை தீர்க்க நீ
• உடன் வந்து காத்திட்டால் நலமே சுவாமி
• எப்போதுமுன் துணையே துணை, இணையாகக் கவசமாய்
• வந்தால் போதும் சுவாமி.

– தமிழரசி பாலசுப்பிரமணியம்