குழலோசையில்

• மதுர கானக் குழலோசை மதுரா நகர்தனில் ஒலிக்கின்றது
• உன் தேமதுரப் பண்ணோசை பிருந்தாவனிலே கேட்கிறது
• வேணு கான இசை தனிலே ஆநிரைகள் மயங்கும்
• நவநீத கண்ணன் உனைக் கண்டு கோக்கூட்டம் மகிழும்

• ஆயர்பாடி கூடி நின்று ஆனந்தமாய் ஆடும்
• ஆவினங்கள் அமுதத்தினை அழகுடன்தான் சொரியும்
• மா மழையும் மகிழ்வுடனே சாரல் மழை பொழியும்
• பூந்தோட்ட நந்தவனம் புதுப்புது மலர்கள் பூத்தே
• சுகந்தமாய் நறுமணங்கள் மணக்கும்

• யமுனையின் தீரம் எல்லாம் கண்ணன் பாதம் பதியும்
• கோவர்த்தன கிரியெல்லாம் மாயவன் வேதம் பதியும்
• முகம் மலர்ந்து நீயும் புன்னகையுடன் புதுமலராய் வருவாய்
• முன்னுரையாய் முகமன் கூறி
• உன் பதமலர் தொழ வரம் தருவாய்
• காளிங்க நர்த்தனத்தின் பொருள் உலகில் புரியும் – உன்
• கானக்குழலிசையும் வானம் பூமி வரை பரவும்

• பாரிஜாதப் பக்தர் கூட்டம் பாரெல்லாம் குவியும்
• சாயி கிருஷ்ணன் நாமஸ்மரணை நாள்தோறும் ஒலிக்கும்
• பாபா உன் அருட் கருணை மழையும்,
• அன்பு மனதில் பொழியும், ஆனந்தக் கண்ணீர் வழியும்
• சாயி கண்ணன் நாமஜெயம் நாள்தோறும் பெருகும்
• ஆநிரைகள் ஆனந்தமாய்க் கன்றுகளுக்குப் பால் பொழியும்
• அகம் நிறைந்து அகிலமெல்லாம் ஆனந்த நடனமாடும் – உன்
• முகம் மலர்ந்தெங்கள் அகமெல்லாம் ஆனந்தக் கூத்தாடும்.

– தமிழரசி பாலசுப்பிரமணியம்