சத்திய வாக்கு
- செவ்விள நீரின் குளுமை போல் பேச்சில் இனிமை காணலாம்
- செவ்வரளியின் நிறம் போல உருவில் அழகைக் காணலாம்
- செவ்வந்தி மலர் அழகு போல் சிரிப்பில் காந்தம் காணலாம்
- செவ்வங்கிதனில் நடந்துவருமழகில் நளினம் காணலாம்
- தேன் சுவையாய் இனிக்கும் தெய்வத்தின் குரல் கேட்கலாம்
- நான் நீ எனப் பக்தர்கள் மெய்மறந்துதான்
- ரசித்துப் பஜன் பண்கேட்கலாம்
- பஞ்சபூதங்கள்கூடப் பாந்தமாய்ப் பரவசித்துக் கேட்கலாம்
- அப் பஞ்ச நதிகளும் பாய்ந்தோடி வந்தே சாயி
- கருணாசாகரத்தில் சங்கமிக்கக் கேட்கலாம்
- பர்த்தித்தலப் பரப்பிரமத்தை எங்கும் பார்க்கலாம்
- சாயின் லீலாமகிமைகளைப் பார்முழுதும் பார்க்கலாம்
- கருணை அன்பினை எண்திக்கும் பார்க்கலாம்
- காருண்ய வடிவுதனைக் காலமெல்லாம் பார்க்கலாம்
- விரும்பியே நாம் நமது சேவைகளைச் செய்யலாம்
- கரும்பினில் சுவையாய் நமதுள மகிழ்வுடன் செய்யலாம்
- காணுமிடமெல்லாம் சாயி உருவில்
- நம் ‘சாய்ராம்களை’ யுணரலாம்
- நம்மைப் பேணும் சாயினருட்கருணையினை
- உணர்த்தி, உளம் மகிழலாம்
- மாதா பிதா குரு தெய்வச் சகாவாயும் சாயிநாதன்தான்
- மாதம் ஆண்டுயுகம் காலம் யாவும் சாயிரூபம்தான்
- மலை கலை கடல் வான் இயற்கை அனைத்தும்
- சாயி வடிவம்தான்
- எல்லையில்லா அன்புக்கருணை தந்து வாழ்வியல்
- வாழவைப்பதுவும் நம் ஸ்ரீ சத்ய சாயி
- தெய்வம்தான் என்பதும் நம் தெய்வ வாக்கே.
– தமிழரசி பாலசுப்பிரமணியம்