சாதகப்பறவையாய்
- உன்னைக் காதலனாய், தோழனாய், குழந்தையாய், சேவகனாய் இன்னும் பல வடிவில் கண்டவன்தான் கவி அரசன் பாரதிபார்த்தனுக்குப் பாடம் சொல்ல பரமன் நீ ஆனாய் சாரதி!
- கீதையில்நீ சொன்னவை அத்தனையும் உண்மையில் நிகழ்த்துவது
- எளிதென்று உணர்த்தவே உன் வாழ்க்கையையே உதாரணமாய் அமைத்தது
- உன் சித்தம்;
- சாயீ! நீ எங்கள் சனாதனசாரதி!
- உன் சரிதக் கடலில் மூழ்கி எழுந்தால் கிடைப்பவை அனைத்தும் முத்துகள்;
- உன் பாதங்கள் தரும் நிம்மதி அதற்கீடாய் நான் கண்டதில்லை வேறு சன்னிதி;
- சங்கநிதி பதுமநிதி வாய்த்தவர்க்கு உலகில் வாய்ப்பதென்ன சுகம்தான்,
- அதுதான் நியதி;
- அதுவே போதுமென்றால் அடங்கவேண்டும் உள்ளம், இல்லையே கிடைத்ததா
- நிம்மதி!
- ஸ்தூல வடிவில் நீ இருந்திட்டபோது உன் தரிசனம் கண்டு உள்ளம் உவகையில் நிறையும்,
- சாயி சாயி என்றும் ஸகலமும் நீயென்றும் உதடுகள் உச்சரிக்க உணர்வுகள் மறையும்;
- காதல் பெருக உள்ளம் கண்ணீரில் கரையும்;
- ஆர்வம் பொங்கக் கண்கள் ஆசையில் அலையும்.
- கால் வரை நீண்ட கனகாம்பர அங்கியும் கருத்த கார்மேகமென அடர்ந்த தலை முடியும்
- பூரண நிலவென அருள் பொழிகின்ற முகமும் நிலவின் கறையொக்கும் கன்னத்து மருவும் இதழ்க்கடை ஓரத்தில் ஈர்க்கும் புன்முறுவலும் கருணை பொழிகின்ற கருங்குவளைக் கண்ணும் காற்றில் மிதப்பதுபோல் தவழ்ந்துவரும் திருவடியும் உதிமழையும் அருள்மழையும் உருவாக்கும் திருக்கரமும்
- எழுதிய சித்திரமாய் இன்னமும் அழியாமல் இதயத்தில் குடியிருக்க ஏங்கி மனம் துடிக்க ‘மீண்டும் வந்திடுவேன்’ என்று நீ சொன்ன வாக்கினால் வாழ்கின்றேன்
- வருகையை எதிர்நோக்கி மழைநீரை எதிர்நோக்கும் சாதகப் பறவை போல!
- ஷிர்டியில் சொன்னபடி பர்த்தியில் வந்துதித்தாய்,
- வஜ்ரசங்கல்பம் உன்னதென்று தெரியும்;
- இப்பிறவி நீ வரும்வரையில் நீண்டாலும் சரிதான், எடுக்கின்ற பிறவியிலே
- வாய்த்தாலும் சரிதான், உனக்கும் எனக்குமான உறவென்றும் தொடர்ந்திட
- உன் திருத்தாள் பணிகின்றேன் உதவிடுவாய் ஸ்வாமி!