சாயி பிரபாவம்

• புத்தம் புது மலர் பறித்து அதில் நித்தம்
• நித்தமுனை நினைத்தே துதித்துச் சத்ய தர்மம் சாந்தி
• பிரேமை அகிம்சையில் நிலைத் துன்நாமஸ்மரணையின்
• பெயர்களை, செபித்துன், புனித நாமாவளிகளில்

• மனம் லயித் துன்னெழிலுருவ வழிபாடுகளில் திளைத்து
• இதயமாம் கோவிலிலுனைத் தொழுதுனது ஒரே மதம் மொழி
• இனமாம் சனாதன தர்மத்தில் மனமொன்றி உன்
• அமுதமொழிகளில் மனமகிழ்ந்து

• ஆயிரம் தாயன்புக் கருணையில் நனைந்திப் பிறவி
• முழுவதும் உன்னைத் தொடர்ந்து வர நீயும் தொடர்ந்தே
• உடன் வர, உன் சாந்நித்திய சங்கல்பமருள வேண்டும்
• கோடி சூரியப் பிரகாசமே சாயி உன் கருணை

• கோடியக்ஞப்பிரபாவம் சாயி நீ அருணை
• கோடி தவப்பிரயாகமே சாயி நீ பொருணை
• கோடி மகிமைப்பிரதாபனுன் அன்பே திரிவேணி
• சங்கமப் பிரயாகை
• உன் மலரடி பணிகின்றோம் உனக்கு ஆத்மார்த்த வந்தனம்
• சுவாமி சரணம் போற்றி.

– தமிழரசி பாலசுப்பிரமணியம்