நீ நடத்திடும் மாயம்

• மூலாதாரனுன் மூலம் ஆதிமூலம் நான்கு யுகங்களிலும்
• நீதான் ஆதாரமூலம்
• சாயி சிவமே உன் பாதார விந்தங்களே அக்கேதார மூலம்
• ஆதி அந்தமில்லாச் சேதாரமின்றிக் காத்திடும்
• ஞாலமூலம், ஞானத்தின் மூலம், ஞாயிறின் மூலம்

• சனாதன சாரதியாய் வந்துதித்த சத்யசாயி சிவசக்தி மூலம்
• சுவாமியுன் கருணை தானெங்களின்
• இதயப்பாலம், உன் தெய்வீக பாவம்,
• அனைத்து உயிரிலும் உன்னதமாய் நீ நடத்திடும் மாயம்

• யுகங்கள் மாறினுமுன் யுக்திகள் மாறாததில் நீ மாலன்
• இகபர சுகமளித் திருள் நீக்கி இன்பம் தந்திடும் நிமலன்
• விமலன், பரமன், பந்தன், சொந்தன்,
• சாயி என்றழைக்கச் சடுதியில் வரும் சக்திபாலன்
• பாபாவென விளிக்கப் பறந்துவரும் பரசிவமைந்தன்
• சத்யசாயி என்றழைக்க முத்தேவியராய் வரும் சக்தி வடிவம்

• ஸ்ரீ சத்திய சாயி எனக் கூப்பிட்ட குரலுக்கு
• ஓடிவரும் கஜேந்திர மோட்சம்
• தாயுமானவனாய் வந்து தயை செய்திடும் தானுமாலயன்
• பக்தை சபரிகளுக்கு மோட்சம்தரும் சபரீசன்
• பக்தர்களுக்கருளும் பர்த்திவாசன்

• ஏகன் அநேகன் எங்கள் சொந்தன் பந்தன், பாந்தன்
• பிரேமஸ்வரூபன் பிரியதர்ஷனன்
• எப்பெயரி லழைத்தாலும் பரப்பிரம்மமாய் வந்து
• முக்தி தந்திடுமுன் பதமலர் தொழுது
• பணிகிறோம் போற்றி போற்றியே.

– தமிழரசி பாலசுப்பிரமணியம்