மனம், மெய், மொழியாலுனை

• மனம் மெய் மொழியாலுனைத் தொழுது
• வாழ்ந்திட அருள் தரவேண்டும் சாயீசா
• பிறர் குறை நீக்கிக் குற்றங்கள் களைந்தே மன்னித்தருளும்
• குணம் வேண்டவுன் னருட்கருணை வேண்டும் சாயீசா
• மனமதில் நீ வீற்றிருந்து மக்கள் சேவையாற்றிடவே
• எப்போது முறுதுணையாய் நீ வரவேண்டும் சாயீசா

• கிட்டற்கரிய இம்மானிடப் பிறவியில் மனிதம் காத்து வாழ்ந்திட
• சத்ய தர்ம சாந்தி பிரேமை அகிம்சை வழியில் நடந்திட
• உளமுருகி யுன்னடி தொழுதடி பணிந்துயிர்த்து
• வாழ்ந்தால் போதும் சாயீசா
• துயிலென்பதேது உனக்கு பக்தர்தமை இமையாய்க்
• காத்தருள்வதுதானே உன் யோக நித்திரைத்வம்

• முப்போது முன்னடியவரைக் காத்தலே உன்கருணைத்வம்
• அது உன் அன்பின் அழகான, அதிசய, ஆச்சர்ய முத்திரைத்வம்
• கருவறைத் தெய்வமாய் நீ அருள்பாலிக்கும் புனிதப் பர்த்தியே
• கயிலை அது ஸ்ரீ சத்யசாயித்வம்
• மகாமகம் சாயி மகாத்மியம்
• ஸ்ரீ சத்ய சாயீஸ்வர சிவமே வருக அருள் தருக நலம் நல்க.

– தமிழரசி பாலசுப்பிரமணியம்