முத்தி வரை

• ஸ்ரீராம நாமம் அனுமனுக்குக் கடலைத் தாண்ட வைத்தது
• சத்ய சாயி ராமா உன் சாய்ராம் நாமம் இவ் வாழ்வியலில்
• வசந்தம் நல்குது
• சீர்மிகு சீரடியிலுன் சேவடி பதித்த வதரித்தாய்
• பாரெல்லாம் மகிழும்வண்ணம் பர்த்திதனில்
• மறுஅவதாரம் செய்வித்தாய்
• கார்கால மேகங்களாய்க் கருணைதனை
• மழையாய்ப் பொழிந்திட்டாய்
• ஊர்தோறுமுன்னதச் சேவைகளாற்றிடப் பணித்திட்டாய்

• தேர்பவனி கண்டு பக்தர் மனம் மகிழப் பூச்சொரிந்து
• தொழவைத்தாய்
• பர்த்திதனைப் பார்போற்றும் பக்தித்தலமாக்கி விட்டாய்
• அவரவர் தெய்வமா யனைவர்க்குமருட்காட்சி தந்து விட்டாய்
• கலியுக அவதாரம் செய்து அன்பையே விதைத்து விட்டாய்

• அன்பு மதம் மொழி இனமென்று அன்பிலருளாட்சி
• செய்கின்றாய் சுவாமி
• சத்ய, தர்ம, சாந்தி, பிரேமை, அகிம்சையில், சனாதன ஆன்மீகப்
• பக்தியை வளர்க்கிறாய், முத்தி வரை முன்னிற்கிறாய்
• உன் சத்தியப் பாதையில் சாயி நிறுவனங்களைப் பதிக்கிறாய்
• சாத்வீக சனாதன கீதைப் பாதையில் வழி நடத்திச் செல்கிறாய்
• தெய்வீக அருளமுத உரைகளில் அரசாட்சி செய்கிறாய்

• உன் சங்கமத் திருவடிக்குக் கோடி கோடி
• ஆனந்த வந்தனம் சுவாமி போற்றியே.

– தமிழரசி பாலசுப்பிரமணியம்