Help Desk Number:
பிரபஞ்ச விவசாயம்
- கடவுளைக் காண ஏன்
- கண் திறக்க வேண்டும்?
- வீட்டுக்குள்ளே கடவுள்
- வந்துவிட்ட பிறகு
- வாசலில் அமர்ந்து எதை
- வேடிக்கைப் பார்க்க வேண்டும்?
- பூரணத்தை உண்ட பிறகு
- பாயாசத்திற்காக ஏன்
- புலம்ப வேண்டும்?
- ஒரே கடவுள்
- சத்ய சாயி இருக்கையில்
- எத்தனைப் பிரகாரங்களை
- எதற்குச் சுற்றி வரவேண்டும்?
- இறைவனின் பாதங்களில்
- இதயத்தை வைத்த பிறகு
- மனிதர்களிடம் எதைப் போய்
- எதிர்பார்க்க வேண்டும்?
- உள்ளத்தில் அட்சயப் பாத்திரமே
- உட்கார்ந்திருக்கையில்
- உலகத்திடம் எதற்கு
- யாசிக்க வேண்டும்?
- ஆகாயமே நம் அகத்தில்
- ஆழ்ந்திருக்க..
- அதில் ஆழாமல்
- அகிலத்தோடு அமிழ்ந்தேன்
- வாழ்ந்திருக்க வேண்டும்?
- உஞ்சவிருத்தியோ…
- உற்சவமோ…
- எதை இறைவன் தந்தாலும்
- ஏற்க மனம் ஏன் மறுக்கிறது?
- கையில் கற்பக மரமிருக்க
- மந்தியாய் மனம் ஏன்
- முருங்கைக் கிளைக்குப் பறக்கிறது?
- சத்ய சாயி எனும்
- பெயர் இருக்கையில் ஏன்
- மற்றப் பெயர்களை மனம்
- ஜபமாய் உரைக்கிறது?
- பூஜைப் பொருளாய்
- நாமே இருக்கையில்
- பூஜைப் பொருட்களாய்
- எதனைத் தேடுவது?
- உடம்பினுள் பூத்து
- இதயமே காத்திருக்கையில்
- கிளையில் பூத்த
- இதழ்களை வைத்து
- என்ன செய்வது?
- உத்தரணி நீரா?
- கண்களில் இல்லாததா..?
- கற்சிலையாய் நாமே
- உறைவதற்குத் தானே
- கற்சிலையாய்க் கோவிலில்
- கடவுளை வைத்தனர்
- உறைந்தாள் கடவுள்
- உனக்குள்ளே என்பதைத் தானே
- கர்ப்பக கிரகத்தில்
- காட்சி வைத்தனர்
- கடவுள் சத்ய சாயி ஒருவரே என
- கனிந்து விட்ட இதயத்தில்
- கண்ணீரே அபிஷேகமாகிறது
- கைக் கூப்பும் முறையே
- கோபுரமாகிறது
- தியானக் கனலே
- தெய்வ சாயிக்கு
- ஆரத்தியாகிறது
- நொடி எல்லாம்
- சுவாசக் காற்றில்
- சாயி பஜனையே நிகழ்கிறது
- அது நிகழ … நிகழ
- நொடியே நெகிழ்கிறது
- அது நெகிழ … நெகிழ
- இதயம் ஆன்மாவை உழுகிறது
- அது உழுது … உழுது …
- அண்டமே ஆன்மாவைத் தொழுகிறது
- …………………………. கவிஞர் வைரபாரதி