ஆனந்தம் ஆனந்தம்

• கார்முகில் வண்ணன் சாயிகிருஷ்ணனைக்
• கண்டாலானந்தம்
• தார்மீக எண்ணம் கொண்ட சத்திய சாயி
• கிருஷ்ணனின் தரிசனம் ஆனந்தம்
• பார்மீதில் பர்த்தியி லவதரித்திட்ட பார்த்தனின்
• பதமலர் தொழுவதானந்தம்

• தேர்வலம்போல், நடைநடந்து வந்து பக்தர்
• கடிதம் பெறுவதும் ஆனந்தம்
• நகர்வலமாய், மெதுவாய் நடை நடந்து வந்தே விபூதி
• சிருஷ்டித்துத் தருவதும் பேரானந்தம்

• நிகர்இல்லையித் தெய்வத்தின் தெய்வம் சாயிகிருஷ்ணனின்
• கருணை அன்பிற்கே எனும் எண்ணம்தானானந்தம்
• மலர்வண்ண மாயவன் சாயிகிருஷ்ணனின்
• லீலா வினோதங்கள் கேட்டல் பார்த்தல் படித்து
• ரசித்தல் ஆனந்தம்

• சுடர்ஒளியாய், ஞானம் தந்து ஞாலத்தில் நற்பவி
• நல்கும் சாயிகிருஷ்ணனின் அன்பு அருள், அற,
• அறிவுரை கேட்டலும் ஆனந்தம்
• படர்கொடிக்கும் பறவைகளுக்கும் அனைத்துயிர்களுக்கும்
• அன்னபூரணியாய் அன்னையாய் அன்னம்
• பாலிக்கும் சாயிகிருஷ்ண அவதாரமே ஆனந்தம்

• அடர்வனத்திலும், ஆழியிலும் கஜேந்திர மோட்சமாய்
• அபயம் தந்து காக்கும் சாயி முரளி கிருஷ்ணனின்
• மயக்கும் வேணுகானக் குழலிசையும் ஆனந்தம்
• இடர்வரினும் இணைந்து வந்து துணையாய்த்
• தொடர்ந்திருக்கும் சாயி கிருஷ்ணனின்
• ஸ்பரிசனமும் ஆனந்தம்

• தொடர்வாழ்வியலில் சத்யசாயி கிருஷ்ணனின் சத்யதர்ம
• சாந்தி பிரேமை அஹிம்சையாம்
• அன்பின் அழகும் ஆனந்தம் ஆனந்தம்
• சத்யானந்தம், சதா ஆனந்தம்.

– தமிழரசி பாலசுப்பிரமணியம்