உடல் உள்ள மனக் கவசமாய்

• அமிர்தமாம் அள்ளித்தரும் கருணையைப்
• பொழிந்திட அமிர்தவர்ஷினி நீ இருக்க
• அன்பில் தோய்த்தெடுத்து அரவணைத்து ஆறுதல் சொல்ல
• ஆயிரம் அன்னைகளாயுன் துணை இருக்க

• வேண்டியது வேண்டாமலே வேண்டும் வரம் தர
• உன் அருள் அன்பிருக்க
• வாழ்வியலில் வரும் துயர் துன்பங்களை நீக்கி
• இனிமை இன்பம் நற்பவி இனிதாய் நல்க
• உன் சாயி நாமம் இருக்க

• நரகத்திற்குச் செல்லாமல் தடுத்தாட் கொள்ள
• உன் நாமஸ்மரணை யிருக்க
• நெக்குருகப் பாடி மகிழ்ந்து உலாவர
• உன் நகர சங்கீர்த்தனம் இருக்க

• நிதானமாய் உன்னை நெஞ்சில் நிறுத்தி தியானம்
• செய்ய வட விருட்சத் தபோவனம் இருக்க
• எங்கும் எதிலும் எப்போதும் செயமே கிட்ட
• உன் அருமைத் தியானம், செபமிருக்க
• ‘சாய்ராம் சாய்ராம்’ என உன் நாமம் சொல்லி
• ஜெபமணி மாலைகளுருட்டி மனனம் செய்ய

• உடல் உள்ள மனக் கவசமாய்
• ‘சாயி காயத்திரி’ சங்கல்பமாய்க் கொலுவிருக்க
• கவிதைகள் புனைந்து பன் மொழிகளிலும்
• உன்னைப் புகழ்ந்து பாடி ஆனந்தம் கொள்ள
• உன் பஜன் பாடல்கள் செவிகளில் தேனாயினிக்க
• ஈடில்லா உன் அருளால் பற்பல சேவைப்பணிகள்
• செய்தெங்கள் பிறவிப்பிணி நீங்கிட
• உன் சாந்நித்தியம் துணையிருக்க

• பல்வகை வாசனைச் சுகந்த கதம்ப மலர்களால்
• பூச்சூட்டி உன்னை அழகுபடுத்தி கண்கள்
• ரசித்து மனம் மகிழ
• பல்வண்ண உதிரிப்பூக்களால் ‘அஷ்டோத்திரம்’
• ‘சகஸ்ரநாமம்’ அர்ச்சித்துப் பூசனைகள் செய்திட

• பன்மத இன மொழிப் பக்தர்களுக்கும் புகலிடமாம்
• பிரசாந்தித் தலப்பர்த்திப் பயணம் யாத்திரையாய் வர
• எங்களை நினைத்து அழைக்க நீ இருக்கக்
• குறையொன்றுமில்லை ஸ்ரீ சத்ய சாயி நாத தெய்வமே
• சரணம் சரணம் போற்றி போற்றியே.

– தமிழரசி பாலசுப்பிரமணியம்