சாயி அட்சயம்
- எங்கெங்கு நோக்கினும் எதிலும் எப்போதும்
- எல்லாமும் உன் வடிவம்
- அங்கங்கு கேட்கினும் முப்போது மெப்போதும்
- இப்போதுமுந்தன் லீலா வினோத மகிமைகள்
- சாயி பக்தர்கள் சங்கமிப்பிலுன் சாத்வீகம் மட்டுமே தெரிகிறது
- ஒவ்வொருவர் வாழ்வியலிலும்
- உன் வியாபகம்தான் தெரிகிறது
- அவரவர்கள் தங்கள் அனுபவத்தைக் கூறுகையில்
- ரசனையாய்க் கேட்டு மகிழ்கிறோம்
- ஒவ்வொரு அணுவிலும் உன் கருணை பெருகி எங்கள்
- பக்தி உருகி ஆத்மாவில் அமர்கிறது சுவாமி
- எங்கள் முன் ஜென்மப் புண்ணியத்தால் இக்கலியில்
- கிட்டிய தெய்வம் நீ மட்டும்தான் சுவாமி
- இப்புவியில் வாழும் வரை உன் பக்தியில் திளைத்து
- உன் சேவைகள் பல ஆற்றி வாழ்ந்தால் போதும்
- அட்சயமாய் அன்புருவாயுன் அருள்தனில்
- அட்சரம் பிசகாமலுன் கருணையில் சந்ததிகளே
- கடைத்தேறியுன் கடாட்சத்தில் கவி புனையும்.
– தமிழரசி பாலசுப்பிரமணியம்