பல்லக்குப் பவனியில்

• ஸ்ரீசாயி மகாலக்ஷ்மித் தாயே மகா மாயாவாய் வருகவே
• ஸ்ரீ சாயிலட்சுமி அம்மா மகமாயியாய் வருகவே
• ஸ்ரீ சாயி மகாலட்சுமி மாதா மகமாயி மாரியாய் வருகவே
• ஸ்ரீ சாயி மகாலட்சுமி மா அஷ்டலட்சுமிகளாய்
• அலங்காரமாய் வருகவே

• ஸ்ரீ மகாலட்சுமி அன்னையே அலைமகள், கலைமகள்,
• மலைமகள்களாய் மகிழ்வுடன் வருகவே
• பற்றற்ற மனம் தந்து பாசத்தை அகற்றிட வருவாயே
• திக்கற்றவர்க்குத் தெய்வமே நீ கருணை புரிந்திட வருவாயே
• செருக்கற்ற உள்ளமதில் கொலுவிருக்க நீ வருவாயே

• செந்தாமரையில் வீற்றிருக்கும் செங்கமலத்தாயாரே
• செகம் செழிக்க வரம் தருவாயே
• நீ இல்லாமல் செல்வாக்கு ஏதம்மா உன் சொல்வாக்கு
• காக்கும்தான் உண்மை அம்மா
• என்றும் நல்வாக்கு நற்பவி அளித்திட வாருமம்மா
• என்றும் பல்லக்குப் பவனியில் இல்லத்தில் குடியிருக்க
• இனிதாய் வருவாய் அம்மா

• ஸ்ரீ மகாலட்சுமித் தாயே சகல சௌபாக்கியம்
• தந்தனைவரையும் காக்க வேண்டும்
• உன் அருள்பூமாரியாய்ப் பொழிந்து
• இப்பூவுலகு சிறக்க வேண்டும்
• உன் கருணை மழை அனைத்திலும் உலகெங்கும்
• வர்ஷிக்க வேண்டும்

• மனிதம் மலர்ந்து ஒற்றுமை ஓங்க வேண்டும்
• சனாதன தர்மம் நிலைத்தே சகலமும் சாந்தி பரவவேண்டும்
• சாத்வீகம் நிலைத்து ஆன்மீகம் அலைகளாய் வியாபிக்க
• உன் அருள்வேண்டும்

• சந்தனமாரியும் மஞ்சுளபாஷினியும் சந்தானலட்சுமியும்
• சகலகலாவல்லியும் சௌதாமினி
• சௌபாக்கியலட்சுமியுமாய் சங்குசக்ரபாணி
• மகாவிஷ்ணு சமேதினியாய் வந்து மேதினியைக்
• காத்தருளிட வருவாயே ஸ்ரீ சாயி லட்சுமித்தாயே.

– தமிழரசி பாலசுப்பிரமணியம்