பிரம்மாண்ட நாயகன்

• நம்பினார் கெடுவதில்லை நான்கு மறைத் தீர்ப்பு
• உன்னை நம்பினோர் மறப்பதில்லையுன்
• அருட்கருணையின் வார்ப்பு
• சகல ஐஸ்வர்யம் அளிக்கும் உன் சாட்சாத்காரம்
• கலசமாம் உன்சேவைகளின் பிரத்யாகாரம்

• நிகழும் ஒவ்வொரு மணித்துளி யிலுமுன் பிரத்தியட்ச கடாட்சம்
• சம்சார சாகரத்தைக் கடந்திட மனிதப் பிறவிக்குக்
• கிட்டிடுமது உன் அபயஹஸ்தமாம் மோட்சம்
• வியாழனாய் பர்த்திதனில வதரித்த வெள்ளியே
• விடிவெள்ளி தரவந்த ரத்னாகர குலத் திங்களே

• சித்ராவதி நதி தீர மங்காச் சித்திரமே
• சடுதியில் வந்து காத்தருளும் சாகித்திய சரித்திரமே
• நீதான் எங்கள் அகத் தவமே, உன் துணையிருக்க ஏது பயமே
• உன் நாமஸ்மரணை அளிக்கும் தானெதிலும் ஜெயமே

• உன் பக்தர்களின் சுயநலமில்லா ஆத்மார்த்த சேவைகள்
• அளிக்குமுனக்கு ஆனந்தம்
• அக் கருணையின் அன்பால் நீ அளிக்கும்
• ஆசி எங்களுக்கு அனந்தம்
• பிரம்மாண்ட நாயகா பரப்பிரம்மமே பர்த்திவாசனே சிவசக்தி
• ஸ்வரூபமாய் வந்து நல்லருள் புரிவாயே போற்றி.

– தமிழரசி பாலசுப்பிரமணியம்